أول حلم
ماسك طرف اول حلم
ومتعلق بأسبابه
ومادد ف الفضا
قوارب نور
عارف م الطريق
بابه
وفاتح قلبك المشدود
للرضا
عامل من خطاوي السكه
لبلابه
و متشعبط
علي جدار الزمن الاخرس
وبتقرب لسقف الغايه
وتشابي
فتتكعبل ساعات منك ِ
وتتملص
ملامح حلمك المنقوش
فتخطفها
وتتمني النهار والنور
لبكره يكون
ف شباكك
عناقيد حياه بتدور
تطول وجه محبوبك
وأيد تطول خطاوي الشوق
ليست هناك تعليقات:
إرسال تعليق