يا سبع قوم شوف الكلاب
بيقولوا نايم فى العرين قاطع الكلام
بيقولوا جايز اتهزم او من الصيام
بيقولوا والقول فى الخلا
كثير زمان قالوا اسد
وابن جلد طلع الجبل خلاه حطام
هو زمان كان فيه شبع ومش جعان
ثلثين بلدنا فهمها على قدها
ويمكن يكون بخطرها
فاكرين بان العمر كله رمضان
والجوع صحه وفى الحديث متقال كلام
ماشين على السنه قوى
واكبر شيوخكم فهلوى
ببساطه يفتى فتوته
ليه الرقاب راح تنطوى
هى عقولكم مبرمجه
بسلك نحاس ومشبكه
.............................
يعنى نعارض ربنا ونلغى الصيام
ولاه انتا مش من عندنا
وجاى بتحرق دمنا
ما تلف لفه فى البلد
يمكن شويه تتهمد
وشوف الخضار بقى سعره كام
............................
انا من البلد ومنش غريب
والوضع خلى الشعر شاب
اللى بياكل لحمنا
عاييش وعامل سبع غاب
والكلب فينا بنبحته قادر يوريه العزاب
والسبع نايم فى العرين
مستنى لما تكون ضباب
قلولوا قوم شوف الكلاب
عاملين وليمتك معجنه
وسنه فى سنه هتكون خراب
يا سبع قوم شوف الكلاب
بقلم
محمد البلاط
